Fransa millisinin sabiq hücumçusu Just Fonten vəfat edib. Corner.az xəbər verir ki, keçmiş futbolçu 89 yaşında dünyasını dəyişib.
Fontn peşəkar karyerasına 1950-1953-cü illərdə oynadığı Kasablankada başlayıb. Fransanın “Nitsa” və “Reyms” klublarının da şərəfini qoruyub.
Fransa millisinin heyətində 21 oyunda 30 qol vurub. O, bir dünya çempionatında ən çox qol vuran rekorda sahibdir - 1958-ci ildə 13 qol. Həmin turnirdə Fransa yığması bürünc medal qazanıb.
Just 4 dəfə Fransa çempionu olub, iki dəfə Fransa kubokunu qazanıb, avrokuboklarda finalçı olub.
Futbolçu karyerasını başa vurduqdan sonra Fonten Fransa millisini (komandada 2 oyun işləyib), PSJ, “Tuluza” və Mərakeş millisini çalışdırıb.
