Futzal yığmalarının dünya reytinqi açıqlanıb. Corner.az xəbər verir ki, Azərbaycan millisi yeni cədvəldə bir pillə geriləyib.
Buna səbəb komandamızın ötən ay dünya çempionatının əsas mərhələsindəki nəticələridi. Yunanıstan üzərindəki 5:2 hesablı qələbəyə baxmayaraq, Polşaya uduzan (2:7) yığmamız hazırda siyahının 13-cü pilləsində yer alır.
Joze Alesio da Silvanın kollektivinin aktivində 1395 xal var.
Reytinqə 1821 xalla Braziliya yığması başçılıq edir. İspaniya (1787) 2-ci, Argentina (1764) isə üçüncü yerdədi.
