Ukraynanın “Aleksandriya” klubunun azərbaycanlı futbolçusu Emil Mustafayev komandasında fevral-mart aylarının ən yaxşısı seçilib.
Corner.az xəbər verir ki, bu barədə klubun mətbuat xidməti məlumat yayıb.
Mustafayev ötən iki ayda iki qol, iki məhsuldar ötürmə ilə yadda qalıb. Bunun nəticəsi olaraq 21 yaşlı yarımmüdafiəçi azarkeşlərin səsverməsi nəticəsində digər komanda yoldaşlarını qabaqlayıb.
Azərbaycanlı futbolçunun “Aleksandriya” ilə müqaviləsi 2023-cü il iyunun 30-da başa çatacaq.
