Bu gün “Sərhədçi" İdman Mərkəzində Basketbol Liqasının 26-cı turunun açılış oyunu baş tutub. Corner.az xəbər verir ki, "Neftçi" və "Gəncə" komandalarının qarşılaşdığı gərgin oyunda gəncəlilərin əsas oyunçularından sayılan Cared Smol son saniyə üçlüyü ilə komandasına 87:86 hesablı qələbə qazandırıb.
Bu qələbə ilə "Gəncə" ilk dördlükdəki yerini təmin edib. Ən məhsuldar basketbolçular "Neftçi"dən Mohsen Moradxani (23 xal, 8 ribaund), "Gəncə"də isə Kollin Törner (24 xal, 9 asist) olublar.
Turun digər oyunları ("Sabah" - NTD, "AAAF Xırdalan" - "Sərhədçi", "Zirvə Astara" - "Olimpik Şəki") 15 və 16 apreldə baş tutacaq.
