Latsio'nun hücumçusu ağır yol qəzası keçirdi

İtaliya millisinin və "Latsio"nun futbolçusu Çiro İmmobile ağır yol qəzasına düşüb.

Corner.az-ı RaiNews24" saytına istinadən məlumatına görə, hadisə bu gün paytaxt Romada baş verib.

32 yaşlı hücumçunun idarə etdiyi avtomobil tramvaya çırpılıb. Zərbənin gücündən maşının ön hissəsi tamamilə məhv olub. Tramvay isə relsdən çıxıb.

Hadisə zamanı təcrübəli oyunçunun qızı da avtomobildə olub. Lakin onlardan heç biri xəsarət almayıb. Tramvayın sürücüsü və iki sərnişini isə xəstəxanaya yerləşdiriliblər.

Polis hadisə yerində araşdırma aparır. Şahidlərin sözlərinə görə, qəzaya tramvayın işıqforun qırmızı işığında keçməsi səbəb olub.