UEFA-nın yeni yaradılmış Futbol Şurası Avropa yarışlarında, xüsusən Çempionlar Liqasında hakimliyin hazırkı səviyyəsindən məmnunluğunu bildirib. Corner.az xəbər verir ki, qurum ilk iclasında vahid yanaşmanın tətbiqini təklif edib.
İsveçrənin Nyon şəhərində baş tutan şuranın iclasında Erik Abidal, Rafael Benites, Fabio Kapello, Petr Çex, Luiş Fiqu, Robbi Kin, Yurgen Klinsmann, Ronald Kuman, Filipp Lam, Maykl Laudrup, Paolo Maldini, Roberto Martines, Predraq Miyatoviç, Qaret Sautqeyt, Patrik Vieyra, Rudi Föller, Xavyer Zanetti və Zinəddin Zidan iştirak edib.
Toplantıda hakimlik sahəsində VAR, əl oyunu və futbolçu davranışı kimi qaydalar müzakirə olunub.
