Latviya çempionatında 9-cu turun oyunları keçirilib. Corner.az xəbər verir ki, azərbaycanlı futbolçular Ramin Nəsirli və Nazim Həsənzadənin komandası “Dauqavpils” də növbəti matçına çıxıb.
Sözügedən kollektiv evdə “Auda” ilə üz-üzə gəlib. Futbolçularımızın komandası bu oyunda məğlubiyyətlə üzləşib - 0:2.
Ramin 90 dəqiqə meydanda olub. Nazim isə 72-ci dəqiqədə meydana buraxılıb.
Xatırladaq ki, müqavilə ilə müvafiq olaraq “Neftçi” və “Turan Tovuz”a məxsus olan Raminlə Nazim “Dauqavpils”də icarə əsasında forma geyinirlər.
Futbolçularımızın komandası hazırda 5 xalla 10 iştirakçı arasında sonuncu pillədə qərarlaşıb.
