İspaniyada tapılan dinozavr qalığına komanda adı verildi

İspaniyanın Kastelyon əyalətinin Sintorres şəhərində tədqiqatçılar qrupu əvvəllər məlum olmayan dinozavr növünün qalıqlarını aşkar ediblər.

Corner.az xəbər verir ki, təqribən 11 metr uzunluğunda, 3 metr hündürlüyündə, uzun burnu və çoxlu konusvari dişi olan heyvana "Vilyarreal" komandasının adı verilib.

Dinozavrın qalıqları La Liqa klubunun təmsil etdiyi əyalətdə tapıldığı üçün onu komandanın 2021-ci ildə Avropa Liqasında qazandığı qələbənin şərəfinə bu cür adlandırıblar.

Qeyd edək ki, "Vilyarreal" finalda İngiltərə "Mançester Yunayted"ini məğlub edərək turnirin qalibi olub.