Aleksey Şpilevski Moskva Dinamo'sunun məşqçisi ola bilər

Şərhçi Roman Naquçevin teleqram kanalında dərc etdiyi məlumata görə, Kiprin “Aris” klubunun baş məşqçisi Aleksey Şpilevski Moskva “Dinamo”sunun yeni məşqçisi ola bilər.

Corner.az Rusiya mediasına istinadən xəbər verir ki, "Dinamo"nun rəhbərliyi gələcək planlarını öyrənmək üçün artıq Şpilevskiyə müraciət edib. Hələ bir neçə il əvvəldən “Dinamo”nun belaruslu məşqçiyə marağı yaranmışdı.

Qeyd edək ki, 35 yaşlı məşqçi Aleksey Şpilevski 2022-ci ilin fevralından "Aris"i çalışdırır. O, heç vaxt Rusiyada işləməyib və Rusiya klublarında oynamayıb.

Bundan əvvəl "Dinamo"nun baş məşqçisi Slavişa Yokanoviç istefaya göndərilib, Pavel Alpatov isə cari mövsümün sonuna kimi baş məşqçi vəzifəsinə təyin edilib.

Aytəkin Cəlali