Erlinq Holanddan Qvardiola tərif

Ötən gün UEFA Çempionlar Liqasının finalında “Mançester Siti” “İnter”i 1:0 hesabı ilə məğlub edərək turnirin qalibi olub.

Corner.az xəbər verir ki, BBC-yə danışan "Mançester Siti"nin ulduz futbolçusu Erlinq Holand matçı və baş məşqçisi Xosep Qvardiola ilə münasibətlərini dəyərləndirib:

"Qvardiola ilə işləmək həqiqətən xüsusi bir şeydir. Bizim yaxşı münasibətimiz var və mən daha da inkişaf etmək üçün gələn mövsümü səbirsizliklə gözləyirəm. Hələ gəncəm. Qarşıda çox illərim var. Hər gün onunla, dünyanın ən yaxşı məşqçisi ilə məşq etmək əladır. Yaxşı yerdəyəm. Gələn mövsüm bu il qazandığımızı qoruyub saxlamalıyıq. Bir ay sonra hər şey unudulacaq və biz yenidən başlamalı olacağıq".

Qeyd edək ki, Türkiyənin İstanbul şəhərindəki Atatürk Olimpiya stadionunda keçirilən oyunda finalın taleyini həll edən qola 68-ci dəqiqədə Rodri imza atıb.

Xatırladaq ki, 22 yaşlı norveçli hücumçu Çempionlar Liqasının 2022-2023-cü illər mövsümünün ən yaxşı bombardiri olub. O, turnirdə 11 matçda 12 qola imza atıb.