"Bu gün tarix yazdıq" - İlkay Gündoğan

UEFA Çempionlar Liqasının final matçı baş tutub.

Corner.az xəbər verir ki, həlledici görüşdə “Mançester Siti” və “İnter” qarşılaşıb.

Türkiyənin İstanbul şəhərindəki Atatürk Olimpiya stadionunda keçirilən oyunda İngiltərə klubu 1:0 hesabı ilə qalib gəlib.

"BT Sport"a danışan "Mançester Siti"nin kapitan İlkay Gündoğan qələbəni belə şərh edib:

"İnanılmaz. Sözlə ifadə etmək çətindir. Bu gün tarix yazdıq. Hər iki komanda üçün çətin matç oldu. İlk hissədə yaxşı formada deyildik, tərəddüd etdik. Anladıq ki, ikinci hissədə daha yaxşı oynamalıyıq. Bəxtimiz gətirdi ki, üstünlük bizim tərəfə keçdi".

Qeyd edək ki, finalın taleyini həll edən qola 68-ci dəqiqədə Rodri imza atıb.