Emrelinin özünəinamı üçün yaxşıdır

"Bu qol, şübhəsiz ki, Mahir Emrelinin özünəinamı üçün yaxşıdır".

90deqiqe.az "Vecernji" nəşrinə istinadən xəbər verir ki, bu sözləri Xorvatiyanın "Dinamo" komandasının baş məşqçisi Sergey Yakiroviç "Varajdin"lə heç-heçə (1:1) etdikləri XIV turun oyunundan sonra bildirib.

46 yaşlı çalışdırıcı hücum xəttindəki oyunçulardan razı qalmadığını vurğulayıb: "Biz daha çox təhlükə yaratmalıyıq. Tez-tez rəqib qapısını təzyiqdə saxlamalıyıq. Əgər qapıya zərbə vura bilmirsənsə, fərqlənə bilməyəcəksən".

Qeyd edək ki, "Varajdin"lə matçda 75-ci dəqiqədə meydana çıxan Emreli 90+4-cü dəqiqədə komandasını məğlubiyyətdən xilas edən qola imza atıb.