Azərbaycan neçənci oldu? - Avropa Oyunları - FOTO

Belarusun paytaxtı Minskdə keçirilən II Avropa Oyunları yekunlaşıb.

Corner.az-ın məlumatına görə, Azərbaycan idmançıları sözügedən yarışı 28 madalla başa vurublar.

İdmançılarımız 5 qızıl, 10 gümüş, 13 bürünc medal qazanıblar. Medal sayına görə, Azərbaycan millisi 10-cu pillədə qərarlaşıb.

Qeyd edək ki, siyahıya 109 medalla Rusiya başçılıq edir. Şimal qonşumuzun idmançıları 44 qızıl, 23 gümüş, 42 bürünc medal qazanıblar.

Ev sahibi Belarus isə 69 medalla ikincidir. Belarus idmançıları 24 qızıl, 16 gümüş, 29 bürünc medal əldə ediblər. Ukrayna isə 51 medalla üçüncü olub-  16 qızıl, 17 gümüş, 18 bürünc.