“Zenit”in “Neftçi” ilə oyunu buraxacaq zədəliləri

“Zenit”in əsas heyətindən bir çox futbolçu “Neftçi” ilə yoxlama görüşünü buraxacaq.

90deqiqe.az xəbər verir ki, bunu Rusiya klubunun baş məşqçisi Sergey Semak açıqlayıb.

Mütəxəssis millilərdə olan futbolçularla yanaşı, iki zədəli oyunçu da Bakıdakı qarşılaşmada iştirak edə bilməyəcəyini bildirib. Bunlar hazırda zədəsini sağaltmaqla məşğul olan yarımmüdafiəçi Aleksandr Yeroxin və kolumbiyalı hücumçu Mateo Kassierradı

Semak əvəzedici heyətdən bir neçə gənc oyunçunun Bakı səfəri zamanı heyətə cəlb olunacağını söyləyib.

Qeyd edək ki, noyabrın 18-də “Neftçi Arena”da keçiriləcək “Neftçi” – “Zenit” oyunu saat 21:00-da başlayacaq.