Polşa millisinin müdafiəçisi 8 aylıq diskvalifikasiya olundu

"Lex"in və Polşa millisinin müdafiəçisi Bartoş Salamon dopinq qəbul etdiyinə görə UEFA tərəfindən 8 aylıq diskvalifikasiya edilib.

90deqiqe.az klubun rəsmi saytına istinadən xəbər verir ki, futbolçu antidopinq qaydalarını pozub.

"Cərimə 2023-cü il aprelin 13-dən uzadılacaq diskvalifikasiyanı da əhatə edib. Bu o deməkdir ki, oyunçu 13 dekabr 2023-cü il tarixində keçiriləcək oyunlara qayıda biləcək”, – klubun bəyanatında bildirilib.

Qeyd edək ki, Salamon “Lex”in yetirməsidir, lakin əsas komandada debütünü yalnız 2021-ci ildə edib. 2007-2019-cu illərdə müdafiəçi İtaliyada çıxış edib. O, “Breşia”, “Milan”, “Sampdoria”, “Kalyari” və SPAL kimi klubların formasını geyinib. Salamon ötən mövsüm Polşanın “Ekstraklasa”sında 12 oyun keçirib.

Bartoş Salamon Polşa millisində 11 oyun keçirib.