Ronaldodan yeni uğur

Səudiyyə Ərəbistanının "Əl-Nəsr" klubunun forvardı Kriştiano Ronaldo yeni uğura imza atıb.

90deqiqe.az xəbər verir ki, 38 yaşlı futbolçu buna XIV turda "Əl-Oxdud"a 3:0 hesabı ilə qalib gəldikləri matçda dubla imza atmaqla nail olub.

Superulduz 2023-cü ildə "Əl-Nəsr" və Portuqaliya millisində 48 qol və 13 məhsuldar ötürmə ilə yadda qalıb.

Beləliklə, Ronaldo karyerasında 10-cu dəfə qol və assist sayında 60-ı keçib.

O, daha əvvəl 2010 (48+18), 2011 (60+18), 2012 (63+13), 2013 (69+15), 2014 (61+20), 2015 (57+17), 2016 (55+16), 2017 (53+12) və 2018-ci ildə (49+13) bunu bacarıb.