"Qəbələ"nin U-19 komandası Gənclər Liqasında mübarizəni dayandırdı

“Qəbələ”nin U-19 komandası UEFA Gənclər Liqasında bu gün növbəti oyununa çıxıb.

90deqiqe.az xəbər verir ki, Famil Xəlilovun rəhbərlik etdiyi komanda 2-ci mərhələnin cavab matçında Yunanıstan "Olimpiakos"unun qonağı olub və 0:4 hesablı məğlubiyyətə üzülüb.

"Qırmızı-qaralar" Qəbələdə keçirilən ilk matçda 0:3 hesabı ilə məğlub olmuşdu. Beləliklə, Azərbaycan təmsilçisi bu turnirdə mübarizəni dayandırıb.

Xatırladaq ki, “Qəbələ” 1-ci təsnifat mərhələsində Macarıstanın “Puşkaş Akademiya” klubunu mübarizədən kənarlaşdırmışdı – 1:1, 1:0.

“Olimpiakos” (Yunanıstan) – “Qəbələ” (Azərbaycan) – 4:0

Xristos Muzakitis, 15, 71 (p.), Xristos Qatopulos, 56, Atanasios Koutsoqulas, 90+4 (p.)

İlk oyun – 3:0