Messiylə bağlı suala cavab vermədi: “Real” icazə vermir

"Real"ın hücumçusu Rodriqoya Braziliya - Argentina oyununda Lionel Messiylə arasında yaşanan münaqişə ilə bağlı jurnalistlərin suallarını cavablandırmaqdan qaçıb.

90deqiqe.az xəbər verir ki, o, Madrid klubunun bu suala cavab verməsinə icaza vermədiyini bildirib :

“Messi? Onun haqqında danışa bilmərəm. "Real" mənə bunu etməyə icazə vermir".

Bu açıqlamadan sonra onu "Kral klubu"nun əməkdaşları miks zonadan uzaqlaşdırıblar.

Xatırladaq ki, Messi tribunada azarkeşlər arasında yaranan qarşıdurma səbəbindən komandasını soyunub-geyinmə otağına aparan zaman Rodriqo onları bu addımlarına görə qorxaqlıqda ittiham etmişdi. Argentinalı ulduz ona “Biz qorxaqıq? Biz dünya çempionuyuq,qorxaq deyilik. Danışığınıza diqqət edin” - deyə cavab vermişdi.