Hələ də ürəyim sıxılır ...

“İnter"in və Hollandiyanın sabiq yarımmüdafiəçisi Uesli Sneyder 2010-cu ildə "Qızıl top"u Lionel Messiyə təqdim etdikdən sonra keçirdiyi emosiyalarla bağlı xatirələrini bölüşüb.

90deqiqe.az xəbər verir ki, 39 yaşlı keçmiş futbolçu “Qızıl top” u qazanmamağının ədalətsizlik olduğunu bildirib : “2010-cu ildə “Qızıl top” u qazanmamağım bir az ədalətsizlik idi və Messi qazandı. 2010-cu ilin finalında məğlub olduğum üçün hələ də ürəyim sıxılır. Amma Çempionlar Liqası və “Qızıl top” arasında seçim etməli olsaydım, Çempionlar Liqasını seçərdim”.

Qeyd edək ki, Sneyder Dünya Kubokunun finalında oynamasına və Çempionlar Liqasının qalibi olmasına baxmayaraq səsvermədə dördüncü olub.Andreas İnyesta ikinci, Xavi üçüncü yeri tutub.