İsgəndərlidən 1 qol, 1 məhsuldar ötürmə

Azərbaycanlı futbolçu Vüsal İsgəndərlinin formasını geyindiyi “Eqnatiya” Albaniya çempionatında növbəti oyununa çıxıb.

90deqiqe.az xəbər verir ki, sözügedən komanda 15-ci tur çərçivəsində evdə “Vlajniya"nı qəbul edib.

Futbolçumuzun komandası bu oyunda 3:0 hesablı qələbəyə sevinib.

İsgəndərli bu matça start heyətdə başlayıb və 74-cü dəqiqədə əvəzlənib. Komandasının ikinci qolunda məhsuldar ötürmə müəllifi olan İsgəndərli 41-ci dəqiqədə özü də fərqlənib. Vüsal bununla da  Albaniya çempionatında qollarının sayınə 5-ə yüksəldib.

“Eqnatiya” hazırda 33 xalla 1-ci pillədə qərarlaşıb.