Ronaldonun komandasını məğlub etdilər,100 min mükafat tələb etdilər - VİDEO

Səudiyyə Ərəbistanı çempionatının "Əl-Hilal" - "Əl-Nəsr" oyunundan sonra (3:0) maraqlı anlar yaşanıb.

90deqiqe.az xəbər verir ki, Ər-Riyad derbisində Kriştiano Ronaldonun kapitanı olduğu komanda üzərində inamlı qələbə qazanan "Əl-Hilal" klubu bu qələbəni təntənəli şəkildə qeyd edib. "Ağ-mavilər"in rəhbərliyi də futbolçuları soyunub-geyinmə otağına düşərək onları təbrik edib. Ancaq bu təbrik rəhbərliyə baha başa gəlib.

Derbidəki qələbədən sonra liderliklərini möhkəmlədən sözügedən komadanın futbolçuları klub rəhbərliyindən mükafat tələb ediblər. Oyunçular hər birinə 100 min dollar verilməsini istəyib. "Əl-Hilal"ın funksioneri oyunçuların israrlı istəyini gördükdən sonra onların tələbini qəbul edib.