Görmə qabiliyyətini itirdi - FOTO

Türkiyənin “Fənərbağça” klubunun basketbolçusu Yam Madar “Beşiktaş”la matçda azarkeşlərdən birinin meydançaya naməlum əşya atması nəticəsində qismən görmə qabiliyyətini itirib.

90deqiqe.az xəbər verir ki, azarkeşin atdığı yad əşya israilli basketbolçunun qaşını kəsib. İnsident baş verən kimi “Beşiktaş”ın məşqçiləri və basketbolçuları azarkeşləri sakitləşdirməyə çalışıblar. Meydançanı tərk edən müdafiəçi sonradan oyuna qayıdıb və sona qədər çıxışını davam etdirib. Matçdan sonra Madar görmə qabiliyyətinin qismən itirilməsindən şikayətlənib.

Bu hadisələr fonunda “Fənərbağça” klubunun rəhbərliyi federasiyanı hərtərəfli araşdırmaya çağırıb. İstanbul klubu təhlükəsiz idman mühitinin təmin edilməsinə cavabdeh olan Türkiyə Basketbol Federasiyasından günahkarların müəyyən edilərək cəzalandırılmasını tələb edib.

Qeyd edək ki, “Beşiktaş” “Fənərbağça”ya 68:64 hesabı ilə qalib gəlib.