“İlin İdman Ulduzu” mükafatına namizədlər açıqlandı

BBC-nin “İlin İdman Ulduzu” mükafatına namizədlərin siyahısı açıqlanıb.

90deqiqe.az xəbər verir ki, siyahıda “Mançester Siti”nin hücumçusu Erlinq Haaland da yer alıb. Keçən mövsüm “şəhərlilər”lə qızıl trebl edən norveçli futbolçu mükafata iddialı olan 6 idmançıdan biridir.

İspaniya millisi ilə qadınlar arasında dünya çempionatının, “Barselona” ilə Çempionlar Liqasının və “Qızıl top”un qalibi olan futbolçu Aytana Bonmati də siyahıda yer alanlardandır.

Digər namizədlər isə “Formula 1” üzrə bu ilin çempionu Maks Ferstappen, tennisçi Novak Cokoviç, gimnast Simon Bils və Cənubi Afrikalı reqbiçi Siya Kolisdir.

Qeyd edək ki, mükafat 70-ci dəfədir keçirilir.