“Real”ın yeni transferi Neymarın rekordunu qırdı

“Palmeyras”ın hücumçusu Endrik Braziliya A Seriyasında mövsümü 11 qolla başa vurub.

90deqiqe.az xəbər verir ki, bununla o, 17 yaşlı futbolçular arasında bir mövsümdə ən çox qol vuran ikinci futbolçu olub. Endrik bu hesabla Neymarı ötüb, Ronaldo Nazarioya isə çatıb.

Endrik çempionatın son turunda “Kruzeyro” ilə matçda (1:1) “Palmeyras”ın yeganə qolunu vurub və komandasına çempionluğu hədiyyə edib.

Qeyd edək ki, Endrik 2024-cü ilin yayında “Real”a qoşulacaq. Madrid klubu ona görə 37,5 milyon dollar ödəyib. Oyunçu ötən mövsümdən peşəkar statusunda oynamağa başlayıb.