Debütantların görüşündə "Gəncə" qalib gəlib

Bu gün qadın voleybolçular arasında Azərbaycan çempionatında I turdan təxirə salınan 2 oyun keçirilib.

90deqiqe.az xəbər verir ki, günün ilk görüşündə “Milli Aviasiya Akademiyası” və “Gəncə” klubları üz-üzə gəlib.

3 xala sahib debütantların duelində qonaq komanda qələbə qazanıb. Nəticədə Gəncə voleybolçuları turnir cədvəlində “Milli Aviasiya Akademiyası”nı qabaqlayıblar.

Ardınca isə “Azərreyl” UNEC-lə qarşılaşıb. “Dəmiryolçular”ın bu matçda gözlənildiyi kimi, asan qələbə qazanıblar. Hər üç set "Azərreyl"in üstünülüyü ilə başa çatıb.

Azərbaycan Yüksək Liqası

Qadınlar
I tur
6 dekabr
15:00. “Milli Aviasiya Akademiyası” - “Gəncə” - 1:3 (25:21, 18:25, 23:25, 12:25)
Bakı. Voleybol Mərkəzi

19:00. “Azərreyl” – UNEC - (25:22, 25:15, 25:16)
Bakı, “Murov Az Terminal”ın idman zalı