MLS-in rəhbəri Messi'nin gələcəyi ilə bağlı danışdı

MLS-in rəhbəri Don Qarber Lionel Messinin müqaviləsi bitdikdən sonra “İnter Mayami”dən ayrıla biləcəyi ilə bağlı fikirlərini bölüşüb.

90deqiqe.az ESPN-ə istinadən verir ki, o, argentinalı superulduzun uzun müddət Amerikada qalacağına inandığını bildirib.

“Əvvəla, ümid edirəm ki, Messi 2025-ci ildən sonra da qalmağa qərar verəcək. Deməli, bəlkə də 2025-ci il son tarix deyil. Ancaq planımız 2027-ci ildə istədiyimiz liqa qurmaqdır ki, bu da bizə araşdırmalarımızı davam etdirmək, azarkeşlərimizlə danışmaq, bəzi dəyişikliklərin hansı təsirə malik olacağını qiymətləndirmək və sonra müsbət və məhsuldar şəkildə irəliləmək üçün çox vaxt verir”.

Messinin “Mayami” ilə müqaviləsi 2025-ci ilə qədərdir.