- Offside
- 23:29 24.10.2024
Azərbaycanın 20 yaşadək voleybolçu qızlardan ibarət komandası Litvanın Şaulyay şəhərində keçiriləcək Şərqi Avropa Voleybol Zonal Assosiasiyasının (EEVZA) çempionatında iştirak edəcək.
90deqiqe.az xəbər verir ki, yarışda ümumilikdə 6 ölkənin yığması mübarizə aparacaq. Azərbaycan millisi Latviya, Ukrayna, Litva, Estoniya və Polşa kollektivləri ilə üz-üzə gələcək.
“Avro-2024”ə seçmə xarakteri daşıyan turnirin reqlamentinə əsasən, birinci yeri tutacaq komanda birbaşa qitə birinciliyinin final mərhələsinə vəsiqə əldə edəcək.
Qeyd edək ki, turnir yanvarın 3-7-də baş tutacaq.