Lebronun gedişindən sonra MBA simasını itirəcək

Milli Basketbol Assosiasiyasının (MBA) keçmiş oyunçusu Austin Rivers, “Los Angeles Lakers”in hücumçusu Lebron Ceyms haqda maraqlı açıqlama verib.

90deqiqe.az  “Fadeaway World” nəşrinə istinadən xəbər verir ki, o, 38 yaşlı Lebrondan sonra MBA-nın simasını itirəcəyini bildirib.

“Biz hələ də MBA-nın siması kimi Lebrona güvənirik, çünki bizim başqa alternativimiz yoxdur. Yokiç sima olmaqdan imtina edir. Onun parlaqlıq və xüsusilik baxımından buna uyğun oyunu yoxdur.

Elə şeylər var ki, Cordan, Lebron və Kobe onları populyarlaşdıra bilər. Bizdə elə basketbolçu yoxdur. Liqada yaxşı oyunçular var, amma bizdə MBA-ya layiq istedad, oyunu dəyişdirəcək biri varmı? Hazırda liqada belə oyunçu yoxdur”.