"Puma" bu yığmaya sponsorluğu dayanadırır

“Puma” maliyyə mülahizələrinə əsaslanaraq İsrail milli komandasına sponsorluq etməyi dayandırır.

90deqiqe.az xəbər verir ki, bu barədə “Financial Times” qəzeti şirkətin əldə etdiyi daxili bildirişə istinadən məlumat yayıb.Dünyanın üçüncü ən böyük idman geyimi şirkəti İsrail Futbol Federasiyası ilə müqaviləsini yeniləməmək qərarına gəlib. Sənəddə deyilir ki, qərar bir il əvvəl verilib və İsrailin Qəzza zolağında davam edən hərbi əməliyyatı səbəbindən “Puma” məhsullarının yenidən boykot edilməsi çağırışları ilə əlaqəli deyil.

Şirkət İsrail Futbol Assosiasiyası ilə başa çatan müqaviləsini yeniləməyəcək və 2024-cü ildən komandaya forma verilməsini dayandıracaq. “Puma” maliyyə səbəblərinə görə İsrail milli komandasına sponsorluq etməkdən imtina edib.

Şirkət bu səbəbdən gələn il Serbiya Futbol Federasiyasına da sponsorluq etməyi dayandıracaq.  Eyni zamanda, “Puma” yaxın vaxtlarda məşhur komanda ilə yeni tərəfdaşlıq elan edəcək. “Puma” və İsrail Futbol Assosiasiyası 2018-ci ildən əməkdaşlıq edir.