Əfsanəvi basketbolçu əməliyyat olundu

Əfsanəvi amerikalı basketbolçu Kərim Abdul-Cabbar omba nahiyəsindən uğurla əməliyyat olunub.

90deqiqe.az xəbər verir ki, bu barədə “Lakeshow” sosial şəbəkələrdə yazıb.

Xatırladaq ki, dekabrın 15-də o, Los-Ancelesdəki konsertlərdən birində yerə yıxılıb və ombasını sındırıb. Əbdül-Cabbar yıxıldıqdan sonra Los-Anceles Yanğınsöndürmə İdarəsinin köməyi ilə xəstəxanaya aparılıb.

76 yaşlı Əbdül-Cabbar altıqat Milli Basketbol Assosiasiyasının çempionudur (1971, 1980, 1982, 1985, 1987, 1988). O, iki dəfə MBA Finallarının Ən Dəyərli Oyunçusu seçilib (1971, 1985), altı dəfə liqanın Ən Dəyərli Oyunçusu olub və 19 dəfə NBA All-Star oyununda iştirak etdi.