Messinin hazırkı və sabiq komandası qarşılaşacaq

“İnter Mayami” klubu futbolçusu Lionel Messinin ilk komandası olan Argentina “Nyuells Old Boyz”u ilə yoldaşlıq oyunu keçirəcək.

90deqiqe.Az xəbər verir ki, bu barədə MLS təmsilçisi məlumat yayıb.

Məlumatda, görüşün 2024-cü il fevralın 15-də Mayamidə baş tutacağı bildirilib. “İnter Mayami” həmçinin Səudiyyə Ərəbistanı təmsilçisi “Əl-Nəsr” və “Əl-Hilal”la da yoxlama görüşündə qüvvəsini sınayacaq.

Qeyd edək ki, Lionel Messi 1994-2000-ci illərdə “Nyuells Old Boyz”un aşağı yaş qrupu komandasında oynayıb. 2023-cü ilin yayında “İnter Mayami”yə keçən hücumçunun müqavilə müddəti 2025-ci ilin sonuna qədərdir.