Ronaldo Haalandı geridə qoydu

 Səudiyyə Ərəbistanı çempionatında 18-ci turun oyunları keçirilib.

90deqiqe.az xəbər verir ki, “Əl-Nəsr”  evdə “Əl-İttifaq”ı 3:1 hesabı ilə üstələyib.

Bu matçda meydan sahiblərinin 3-cü qolunu 73-cü dəqiqədə penaltini qola çevirən Kriştiano Ronaldo vurub.

Portuqaliyalı superulduz çempionatda 16 matçda 17 qol vurub və 9 məhsuldar ötürmə edib. O, turnirin bombardiridir.

Həmçinin Kriştiano üçün bu qol 2023-cü ildə 51-ci olub. Yalnız Harri Keyn və Kilian Mbappe daha çox (hər biri 52) qol vurub. Erlinq Haalandın isə 50 qolu var.

“Əl Nəsr” hazırda Səudiyyə Ərəbistanı çempionatında17 turdan sonra 40 xalla 2-ci yerdə qərarlaşıb. Lider “Əl-Hilal”ın aktivində 50 xalı var və 1 matç daha çox keçirib.