Karyerasını bitirəcəyi vaxtı açıqladı

“Brisbane İnternational” turnirində iştirak etmək üçün Avstraliyaya gələn britaniyalı tennisçi Endi Murray karyerasını bitirəcəyi vaxtı açıqlayıb.

90deqiqe.az “Daily Express”ə istinadən xəbər verir ki, o, rəqabət apara bilməyəcəyini hiss etdikdə karyerasını başa vuracağını deyib.

“Bədən köhnədir, amma mən hələ də məşq və səyahət etməyi sevirəm. İndi evdən uzaq olmaq bir az daha çətindir – mənim gənc ailəm var ki, bu da çətinlik yaradır. Amma özümü dünyanın ən yaxşı oyunçuları ilə rəqabət aparacaq qədər yaxşı hiss edirəm və daha bacara bilməyəcəyimi hiss edənə qədər oynamağa davam edəcəyəm”