Messinin Floridadakı heyrətamiz malikanəsi - FOTOLAR

“İnter Mayami” klubunun hücumçusu Lionel Messinin dəbdəbəli malikanəsinin fotoları internetdə yayılıb.

90deqiqe.az “Daily Mail”ə istinadən xəbər verir ki, argentinalı forvard Floridada yaşadığı dəbdəbəli malikanədə 10 yataq otağı, spa, fitnes zalı, üzgüçülük hovuzu, iki qayıq limanı və nəhəng terras var.

36 yaşlı ulduz 2023-cü ilin sentyabrında ABŞ-da malikanə alıb. Evin 10,75 milyon dollar dəyərində olduğu bildirilir.

Messinin “İnter Mayami” ilə müqaviləsi 2025-ci ilin dekabr ayının sonuna kimidir. Əfsanəvi futbolçu ildə təxminən 50 milyon dollar qazanır.