Pakyao onu revanşa çağırdı

Filippinli boksçu Menni Pakyao məğlubiyyətsiz amerikalı Floyd Meyvezerlə revanş döyüşü keçirəcək.

90deqiqe.az “Daily Mail”ə istinadən  xəbər verir ki, o, revanşın bu il ərzində Yaponiyada olacağını bildirib.

“Keçən il döyüş təşkil etməliydik, təəssüf ki, baş vermədi. Ümid edirəm ki, sizi 2024-cü ildə Floyda qarşı böyük döyüş üçün Yaponiyada görəcəyəm”

Səkkiz çəki dərəcəsində boks üzrə keçmiş dünya çempionu son peşəkar döyüşünü 2021-ci ilin avqustunda keçirib. O zaman 12 raunddan sonra yekdil qərarla Dünya Boks Assosiasiyasının (WBA) orta çəki dərəcəsində hazırkı çempionu Yordenis Uqasa məğlub olub.

Pakyao və Meyvezer arasında ilk döyüş 2015-ci ilin mayında keçirilib və amerikalı boksçu yekdil qərarla qalib gəlib.