Hidayət Heydərov olimpiya reytinq cədvəlində birincidir

Paris 2024 Olimpiya Oyunları yaxınlaşdıqca, Beynəlxalq Cüdo Federasiyası (BCF) Dünya Cüdo Turu ərəfəsində hər çəki dərəcəsində aparıcı idmançıları qiymətləndirib.

90deqiqe.az Azərbaycan Cüdo Federasiyasının yaydığı məlumata istinadən xəbər verir ki, 73 kq çəki dərəcəsində mübarizə aparan idmançımız Hidayət Heydərov hazırda olimpiya reytinq cədvəlində ilk pillədə qərarlaşıb. BCF-nin məqaləsində Heydərovun ardıcıl uğurları və bir neçə ay birinciliyi qoruyub saxlaması vurğulanır. Ötən ilki dünya çempionatında medalı əldən versə də, Heydərov Avropa çempionatında, Tokioda və doğma ölkəsində keçirilən Böyük Dəbilqə turnirində çempion titulunu təmin edib. Azərbaycan xalqının və dünya miqyasında cüdo həvəskarlarının pərəstiş etdiyi Heydərov tatamiyə enerji və həyəcan gətirir, gələcək nəsil üçün ilham mənbəyi kimi xidmət edir.

-100 kq. çəki dərəcəsində mübarizə aparan idmançımız Zelim Kotsoyev hazırda reytinq cədvəlində ikinci yeri tutur. Müəllif qeyd edir ki, bəzən Zelim ona baha başa gələn səhvlər edir, lakin hər şeyi düzgün edəndə o, demək olar ki, məğlub edilməz olur. Kotsoyev Paris 2024 Yay Olimpiya Oyunlarına qədər bütün lazımi hazırlıqlar görəcək. Son iki ildə iki dünya medalı, əvvəlki olimpiya təcrübəsi və güclü dəstək komandası ilə olan Kotsoyev qarşıdakı yarışda nəhəng rəqib kimi çıxış edəcəyi gözlənilir.