- Offside
- 23:29 24.10.2024
Braziliya yığmasının sabiq futbolçusu 57 yaşlı Romario ölkəsinin "Amerika" klubunun prezidenti olub.
90deqiqe.az xəbər verir ki, bu barədə Rio-de-Janeyro təmsilçisinin rəsmi saytı məlumat yayıb.
Adıçəkilən komanda Braziliyanın ən köklü klublarından biridir. Onlar hazırda Rio-de-Janeyro əyalətinin Ali Liqasında - Karioka çempionatında mübarizə aparır.
Qeyd edək ki, Romario 1994-cü ildə Braziliya yığması ilə dünya çempionu olub. Əfsanəvi forvard karyerasında İspaniyanın "Barselona" və Niderlandın PSV klublarının da formasını geyinib.