"De Bruyne Messidən yaxşıdır"

Fransa millisinin heyətində dünya və Avropa çempionu Frank Leboeuf, “Mançester Siti”nin yarımmüdafiəçisi Kevin De Bruyne “Barselona”nın sabiq hücumçusu, hazırda “İnter Mayami”də çıxış edən Lionel Messidən üstün olduğunu bildirib.

 90deqiqe.az xəbər verir ki, 55 yaşlı veteran futbolçu "Essentially Sports"a bunları deyib.

“Məncə, oyuna baxış baxımından De Bruyne Messidən yaxşıdır. Bəli, Messi xüsusi bir iş görməyə qadir idi, amma onun kiməsə 27 metrdən uzun, yüksək ötürmə verdiyini görməmişəm. Messi daha çox meydanın ustasıdır və 15 metr ötürməyə gəldikdə xüsusi bir şey göstərə bilər, lakin De Bruyne mənim üçün şübhəsiz ki, ən yaxşısıdır”

Xatırladaq ki, De Bruynenin Premyer Liqanın son oyununda "Nyukasl"la (3:2) etdiyi məhsuldar ötürmə belçikalı üçün İngiltərə çempionatında 103-cü olub. Bu göstəricidə o, 102 məhsuldar ötürmə verən "Çelsi"nin keçmiş yarımmüdafiəçisi Frenk Lempardı ötüb.

De Bruynenin "şəhərlilər"lə müqaviləsi 2025-ci ilin iyununda başa çatacaq

De Bruyne bu mövsüm Mançester təmsilçisində 4 oyunda iştirak edib, 1 qol vurub və 3 məhsuldar ötürmə edib.