“Mançester Yunayted”in sabiq futbolçusu bu klubu şikayət etdi

“Mançester Yunayted”in sabiq futbolçusu Andrey Kançelskis Qazaxıstan “Tobol”undan qovulması ilə bağlı FİFA və UEFA-ya müraciət edib.

90deqiqe.az xəbər verir ki, 54 yaşlı mütəxəssis noyabrda Kostanay klubunun baş direktoru vəzifəsindən azad edilib.

"Həmin il Tobolda qarışıqlıq yaradan hər kəsə qarşı FİFA və UEFA-ya məktublar təqdim etdim. Şəxsən kimin olduğunu deməyəcəyəm, amma proses artıq başlayıb.FİFA-ya məktublar, əlbəttə ki, uzunmüddətli hekayədir, amma vaxt keçəcək və qərar veriləcək. Onda hamı hər şeyi biləcək." - deyə Kançelskis qeyd edib.

Qeyd edək ki, ötən ilin yayında baş direktor vəzifəsinə gətirilən mütəxəssis noyabr ayında tutduğu vəzifədən qovulub.