Benzema Fransanın daxili işlər nazirini məhkəməyə verdi

“Əl-İttihad”ın hücumçusu Kərim Benzema Fransanın daxili işlər naziri Cerald Darmanini məhkəməyə verib.

90deqiqe.az xəbər verir ki, oktyabr ayında Darmanen  36 yaşlı futbolçunu “Müsəlman Qardaşlar” (Rusiyada terrorçu kimi tanınan) islamçı təşkilatı ilə əlaqədə ittiham edib.

Benzema isə onunla heç bir əlaqəsi olmadığını, ittihamın onun şərəfinə xələl gətirdiyini bildirib.

Şikayət təmin olunarsa, Darmanen 12 min avro cərimələnəcək.

Benzemanın "Əl-İttihad"la müqaviləsi 2026-cı ilə qədərdir.

Kərim Benzema bu mövsüm bütün turnirlərdə 20 matçda meydana çıxıb və 12 qol vurub, 5 məhsuldar ötürmə edib.