“Üç mükafat qazandığım üçün fəxr edirəm" - Ronaldo

Dubayda keçirilən mükafatlandırma mərasimində üç nominasiyada qalib gələn "Əl-Nəsr" klubunun hücumçusu Kriştiano Ronaldo sosial şəbəkədə müvafiq paylaşım edərək bu mükafatla bağlı fikirlərini bölüşüb.

90deqiqe.az xəbər verir ki, 38 yaşlı superulduz qazanılan mükafat üçün hər kəsə təşəkkür etdiyini bildirib.

“Üç mükafat qazandığım üçün fəxr edirəm. Məni hər gün daha yaxşı edən bütün klub əməkdaşlarına və komanda yoldaşlarıma çox təşəkkür edirəm”

Xatırladaq ki, dünən, yanvarın 19-da baş tutan bu mərasimdə portuqaliyalı futbolçu 2023-cü ildə Yaxın Şərqin ən yaxşı oyunçusu seçilib, ötən ilin ən yaxşı bombardiri kimi Maradona mükafatını alıb, həmçinin azarkeşlərə görə 2023-cü ilin ən yaxşı oyunçusu kimi tanınıb.