Ronaldo "İnter Mayami"yə qarşı oynamaya bilər

“Əl-Nəsr”in hücumçusu Kriştiano Ronaldo Argentina millisinin hücumçusu Lionel Messinin başçılıq etdiyi “İnter Mayami” komandası ilə yoldaşlıq görüşünü buraxa bilər.

90deqiqe.az-ın məlumatına görə, buna səbəb portuqaliyalıya baldır əzələsinin zədələnməsi diaqnozu qoyulması olub. 38 yaşlı futbolçunun bərpa müddətinin bir neçə həftə çəkəcəyi bildirilib.

Qeyd edək ki, "Əl Nəsr" - "İnter Mayami" matçı fevralın 1-nə planlaşdırılıb.

Messi Mayami klubu ilə bu mövsüm bütün turnirlərdə 14 matçda iştirak edib, 11 qol vurub, 5 məhsuldar ötürmə edib.

38 yaşlı Kriştiano Ronaldo bu mövsüm Səudiyyə Ərəbistanı Pro Liqasında 25 matçda iştirak edib və bu matçlarda 24 qol vurub, 11 məhsuldar ötürmə edib.