- Offside
- 23:17 07.09.2024
FİFA rəhbəri Canni İnfantino azarkeşləri tərəfindən irqçilik nümayiş etdirən komandalara texniki məğlubiyyətin verilməsini istəyib.
90deqiqe.az-ın məlumatına görə, funksioner, irqçiliklə bağlı ciddi tədbirlər və qadağaların qoyulmasını bildirib.
"Udineze"də baş verən hadisələr tamamilə iyrəncdir və qəbuledilməzdir. Futbolda və cəmiyyətdə irqçiliyə, hər hansı bir ayrı-seçkiliyə yer yoxdur.Hadisələrin təsirinə məruz qalan oyunçulara qeyd-şərtsiz dəstəyimi bildirirəm.Gələcək nəsillərin bunun futbolun və ya cəmiyyətin bir hissəsi olmadığını başa düşmələri üçün məktəblərdə təhsildən başlayaraq bütün maraqlı tərəflərin hərəkətə keçməsinə ehtiyacımız var.Üç mərhələli prosesə əlavə olaraq (matç dayandırıldı, matç yenidən dayandırıldı, matç dayandırıldı), azarkeşləri irqçi olan və matçın dayandırılmasına səbəb olan komanda üçün avtomatik diskvalifikasiya, eləcə də dünya səviyyəsində stadion qadağaları və cinayət ittihamları tətbiq etməliyik. FİFA və futbol irqçilik və ayrı-seçkiliyin bütün formalarının qurbanları ilə tam həmrəylik nümayiş etdirir. Birdəfəlik: İrqçiliyə yox! Heç bir ayrı-seçkiliyə yox!"
Qeyd edək ki, dünən İtaliya çempionatının 21-ci turu çərçivəsində keçirilən “Udineze” – “Milan” matçı qonaqların fransalı qapıçısı Mayk Menyana ünvanlanan irqçi şüarlara görə birinci hissədə dayandırılmışdı. Daha sonra davam edilən görüşdə qonaqlar 3:2 hesablı qələbə qazanmışdı.
Menyan 2021-ci ildə "Lill"dən 25 milyon avro qarşılığında "Milan"a keçib.Onun hazırkı komandası ilə müqavilə 2026-cı ilin iyun ayına qədər nəzərdə tutulub.Menyan, bu mövsüm 25 matçda iştirak edib, 31 qol buraxıb və 7 dəfə qapısını toxunulmaz saxlaya bilib.