- Offside
- 23:17 07.09.2024
UFC-nin orta çəkidə (84 kq-a qədər) keçmiş namizədi, braziliyalı Paulo Kosta hazırkı çempion, cənubi afrikalı Drikus du Plessislə döyüşmək istədiyini açıqlayıb.
90deqiqe xəbər verir ki, Kosta bununla bağlı sosial şəbəkə hesabında UFC-nin baş direktoru Dana Uayta müraciət edərək yazıb.
"Ata, bunu mənə ver" - deyə, döyüşçü paylaşımında qeyd edib.
Drikus du Plessisin 30 yaşı var. Cənubi afrikalı peşəkar debütünü 2013-cü ildə etdi və ilk UFC-də 2020-ci ilin oktyabrında çıxış etdi. Çempionluq yolunda o, britaniyalı Darren Till, amerikalı Derek Brunson və avstraliyalı Robert Uittakeri məğlub edib.
Kosta 2022-ci ilin avqust ayında UFC 278-də yekdil qərarla Amerikanın keçmiş çempionu Luke Rockholdu məğlub etdikdən sonra yarışa çıxmadı.