Kurtinaytisdən debütdə qələbə, “Neftçi” "Sumqayıt"ı məğlub etdi

Bu gün Azərbaycan Basketbol Liqasında 13-cü turun növbəti iki qarşılaşması baş tutyub.

90deqiqe.az xəbər verir ki, turun hər iki matçı paytaxt Bakıda reallaşıb. 

İlk matçda son  "Sabah" Sərhədçi İdman Olimpiya Mərkəzində meydan sahibi sayılan "Sərhədçi" ilə qüvvəsini sınayıb.  Litvalı basketbol əfsanəsi Rimas Kurtinaytisin "Sabah"dakı ilk oyununda "tələbələr" aşkar üstünlük nümayiş etdiriblər. Yeni baş məşqçinin rəhbərliyi ilə komanda rəqibini 25 xal fərqi ilə qələbə qazanıb.

Günün son matçında "Neftçi" "Sumqayıt"ı məğlub edib. Qonaqlar oyunda yaxşı başlasalar da, "ağ-qaralar" 1-ci periodun sonunda üstünlüyünü ələ keçiriblər. Bundan sonra inamlı çıxış edən paytaxt basketbolçuları mövsümdə 9-cu qələbəni əldə ediblər.

Qeyd edək ki, tura fevralın 4-də yekun vurulacaq.