Dani Alveş məhkəmə qarşısına çıxarılıb

"Barselona"nın və Braziliya millisinin keçmiş futbolçusu Dani Alveş zorlama ittihamı ilə bağlı dinləmələr üçün Milli Ədliyyə Məhkəməsinə gətirilib.

90deqiqe.az “Relevo”ya istinadən xəbər verir ki, prosesdə 28 şahid ifadə verəcək.

Daha əvvəl bildirilmişdi ki, prokurorluq futbolçunun 9 il müddətinə azadlıqdan məhrum edilməsini və zərərçəkənə 150 ​​min avro məbləğində təzminat ödənilməsini tələb edir.Lakin zərərçəkmiş tərəfin verdiyi vəsatət mümkün həbs müddətini 12 ilə qədər artırıb.

Xatırladaq ki, yanvar ayında Dani Alveş Barselonadakı Sutton gecə klubunda 23 yaşlı qızı zorlamaqda ittiham edilmişdi. Bu səbəbdən keçmiş futbolçunu 12 il həbs cəzası gözləyir. Eyni zamanda, Alveş 2023-cü il yanvarın 20-dən Kataloniya həbsxanasında həbsdədir.