Benzema "Əl İttihad"a qayıdıb

Qış transfer pəncərəsi zamanı Avropada komanda tapa bilməyən Kərim Benzema "Əl-İttihad"a qayıdıb.

90deqiqe.az xəbər verir ki, fransız forvard bu yaxınlarda Səudiyyə klubunun baş məşqçisi Marselo Qalardo ilə görüşüb. 36 yaşlı futbolçu qısa zamanda komanda ilə birlikdə məşqlərə başlayacaq. 

Eyni zamanda təcrübəli futbolçunun, Səudiyyə Ərəbistanı çempionatının növbəti tur çərçivəsində “Əl-Tae” ilə oyuna hazır olması çətin gözlənilir.

Xatırladaq ki, bir ay əvvəl Benzema Səudiyyə Ərəbistanını tərk etmək istədiyini açıqlamışdı. Bu ay ərzində futbolçu məşq etməyib.