Lamborghini və Ducati sənət əsərinə çevrildi - FOTOLAR

Automobili Lamborghini və Ducati şirkətləri rəssam Paolo Troilo ilə birlikdə superkar və motosikletdən ibarət sənət layihəsi təqdim ediblər.

90deqiqe.az-ın məlumatına görə,  Bolonyadakı Cavour Qalereyasında keçirilən Arte Fiera Bologna sərgisində Lamborghini Huracán EVO və nadir Ducati Streetfighter V4 Lamborghini nümayiş etdirilib.

Superkar və motosikleti onların sahibi Paolo Troilo şəxsən rəngləyib. Lamborghini Huracán EVO bədii avtomobili “Minotavr” rəsminin kətanına çevrilib və Ducati Streetfighter V4 Lamborghini-də təsvir olunan əsər “Centaurus” adlanıb.

Paolo Troilo 1972-ci ildə İtaliyanın Toronto şəhərində anadan olub və hazırda Milanda yaşayır. O, öz əlləri ilə hiper realist rəsmlər tətbiq etmək texnikası ilə tanınır.

Qeyd edək ki, Lamborghini bundan əvvəl brendin 60 illik yubileyi şərəfinə Revuelto Opera Unica art avtomobilini təqdim etmişdi. O, Centro Stile tərəfindən yaradılmış və Art Basel Mayami Beach müasir incəsənət sərgisində debüt etmişdir.