Benzema nə vaxt qayıdır?

“Əl-İttihad”ın baş məşqçisi Marselo Qalardo bir aydır komandanın məşq prosesində iştirak etməyən Kərim Benzemanın meydana nə vaxt qayıdacağı sualını cavablandırıb.

90deqiqe.az xəbər verir ki, mütəxəssis bunun 36 yaşlı forvardın özündən asılı olduğunu bildirib.

"Onun qayıdışı özündən və hazırkı dövrdəki fiziki vəziyyətindən asılıdır",

Xatırladaq ki, yanvarın ortalarında “Əl-İttihad”ın baş məşqçisi Marselo Qalardo fransalı futbolçunu komandanın təlim-məşq toplanışına getdiyi klub bazasına vaxtında gəlmədiyinə görə cəzalandırmışdı. Bu hadisədən əvvəl Benzema ötən dekabrın sonunda artıq üç məşqi buraxmışdı. Bundan sonra 36 yaşlı futbolçunun "Əl-İttihad"dan ayrılmaq istədiyi barədə xəbərlər yayılıb.