Ronaldonun güləşçi The Undertaker'in meydana çıxmasına REAKSİYASI - FOTOLAR

Səudiyyə Ərəbistanı təmsilçisi "Əl-Nəsr" və "Əl-Hilal" komandalarının üz-üzə gəldiyi “Riyad Mövsüm Kuboku - 2024” hazırlıq turnirinin final oyunu başlamazdan əvvəl “The Undertaker” ləqəbi ilə tanınan keçmiş amerikalı güləşçi Mark Kalvi kuboku təqdim edib.

90deqiqe.az xəbər verir ki, təqdim etmə zamanı “Əl-Nəsr”in superulduzu Kriştiano Ronaldonun keçmiş güləşçiyə reaksiyası ictimaiyyətin diqqətini çəkib.

Bu qalib komandaya veriləcək.Bu turnirin qalibi kubokdan əlavə, məbləği hələlik bəlli olmayan pul mükafatı da qazanacaq. Daha əvvəl kubokun qalibi olan Fransanın PSJ klubu 10 milyon dollarlıq mükafata sahib çıxıb.

Xatırladaq ki, Ronaldo bu mövsüm bütün turnirlərdə 25 oyuna çıxıb, 24 qol vurub, 11 məhsuldar ötürmə edib. Futbolçunun klubla hazırkı əmək müqaviləsi 2025-ci ilin yayına kimi nəzərdə tutulub. Transfermarkt portalının məlumatına görə, futbolçunun bazar dəyəri 15 milyon avrodur.